အီဘရာဟီမိုဗစ်လက်သစ်ဟု နာမည်ကြီးနေသည့် ဆွီဒင်ဆယ်ကျော်သက် အလက်ဇန္ဒားအိုင်ဆက်ကို ဥရောပထိပ်သီးအသင်းများ အပြိုင်လိုက်နေ

အီဘရာဟီမိုဗစ်လက်သစ်ဟု နာမည်ကြီးနေသည့် ဆွီဒင်ဆယ်ကျော်သက် အလက်ဇန္ဒားအိုင်ဆက်ကို ဥရောပထိပ်သီးအသင်းများ အပြိုင်လိုက်နေ
ဆွီဒင်ကလပ် AIK အသင်းမှ အသက်(၁၇)နှစ်အရွယ် ဆွီဒင်တိုက်စစ်မှူး အလက်ဇန္ဒားအိုင်ဆက်ကို ဥရောပထိပ်သီးအသင်းများစွာ အပြိုင်လိုက်နေပြီး ရီးယဲလ်အသင်းက ဦးဆောင်နေကြောင်း သိရှိရသည်။
ယခုနှစ်တွင် AIK အသင်းကြီး၌ စတင်ကစားခွင့်ရခဲ့ပြီး (၂၄)ပွဲကစား၊ (၁၀)ဂိုးသွင်းယူထားသည့် အိုင်ဆက်မှာ အရပ်(၆ ပေ၊ ၃ လက်မ)မြင့်မားပြီး အီဘရာဟီမိုဗစ်နှင့် ကစားဟန်ဆင်တူသောကြောင့် အီဘရာဟီမိုဗစ်လက်သစ်ဟု တင်စားခံနေရခြင်းဖြစ်ကြောင်းလည်း သိရှိရသည်။

ဆွီဒင်ယူ-၂၁ လက်ရွေးစင်အဖြစ်လည်း ရွေးချယ်ခံထားရသည့် အိုင်ဆက်ကို ရီးယဲလ်နှင့် ချယ်လ်ဆီးအသင်းတို့က တရားဝင်ကမ်းလှမ်းမှုပြုလုပ်ခဲ့ရာ AIK အသင်းက ပယ်ချခဲ့သော်လည်း အိုင်ဆက်ကမူ အသင်းကြီးတစ်သင်းသင်းသို့ ပြောင်းရွှေ့ကစားရန် စိတ်ဝင်စားနေကြောင်း သိရှိရသည်။
၎င်းကို ခေါ်ယူလိုသည့်အသင်းများထဲတွင် ရီးယဲလ်၊ ချယ်လ်ဆီးတို့အပြင် ဘိုင်ယန်မြူးနစ်၊ မန်စီးတီး၊PSG ၊ ဂျူဗင်တပ်စ်တို့လည်း ပါဝင်နေပြီး အိုင်ဆက်သည် ရီးယဲလ်သို့ပြောင်းရွှေ့ရန် စိတ်အ၀င်စားဆုံးဖြစ်ကြောင်း Marca သတင်းစာက ဖော်ပြခဲ့သည်။
သို့သော် ရီးယဲလ်အသင်းသည် ကစားသမားခေါ်ယူမှု ပိတ်ပင်ခံထားရသည့်အတွက် အိုင်ဆက်ကို ခေါ်ယူနိုင်ခဲ့လျှင်ပင် ပြန်လည်အငှားချထားရမည်ဖြစ်ကြောင်း သိရှိရသည်။
Photos: Marca