■ ချန်ပီယံလိဂ်ပြိုင်ပွဲသမိုင်းတစ်လျှောက် စွမ်းဆောင်ရည်အညံ့ဆုံးအသင်းအဖြစ် ဒိုင်နမိုဇာဂရက်အသင်း မှတ်တမ်းဝင်
ပြီးခဲ့သည့် ချန်ပီယံလိဂ်အုပ်စုအဆင့်တွင် ပွဲစဉ်(၆)ပွဲစလုံး ရှုံးနိမ့်ကာ အုပ်စုမှထွက်ခဲ့ရသော ခရိုအေးရှားကလပ် ဒိုင်နမိုဇာဂရက်အသင်းသည် ချန်ပီယံလိဂ်ပြိုင်ပွဲသမိုင်းတစ်လျှောက် စွမ်းဆောင်ရည်အညံ့ဆုံးအသင်းအဖြစ် မှတ်တမ်းဝင်ခဲ့ကြောင်း သိရှိရသည်။
ဒိုင်နမိုဇာဂရက်အသင်းသည် ဂျူဗင်တပ်စ်၊ ဆီဗီလာ၊ လိုင်ယွန်တို့နှင့်အတူ ကျရောက်ခဲ့ခြင်းဖြစ်ပြီး ပွဲတိုင်းရှုံးနိမ့်ခဲ့ရုံသာမက သွင်းဂိုးလည်း တစ်ဂိုးမှ သွင်းယူနိုင်ခြင်းမရှိခဲ့ပေ။
ထို့ပြင် ဂိုးပေါက်တည့်အောင် ကန်သွင်းနိုင်မှုမှာလည်း (၈)ကြိမ်သာရှိခဲ့ပြီး ပေးဂိုး(၁၅)ဂိုး ရှိခဲ့သည့်အတွက် အညံ့ဆုံးအသင်းအဖြစ် သတ်မှတ်ခံခဲ့ရခြင်းဖြစ်သည်။
၂၀၀၉-၁၀ ရာသီက မက္ကာဘီဟိုင်ဖာအသင်းမှာ ချန်ပီယံလိဂ်အုပ်စုအဆင့်တွင် ဂိုးသွင်းယူနိုင်ခြင်းမရှိခဲ့သော်လည်း ပေးဂိုး(၈)ဂိုးသာရှိခဲ့သည့်အတွက် ဒိုင်နမိုဇာဂရက်အသင်းက အညံ့ဆုံးနေရာကို ရရှိသွားခဲ့ခြင်းဖြစ်သည်။
Photos: Dailymail
No comments:
Post a Comment